Kunning um Magdeburg

HM-dystirnir verða spældir í GETEC Arena í Magdeburg.
Tað ber til at ferðast til økið við almennum flutningi. Sporvognur nr. 6 steðgar við Arenen.
Vit mæla at fara í góðari tíð, serliga tá nógvir áskoðarar skulu til dyst.
Hav atgongumerkið tøkt á telefonini, áðrenn tú kemur til høllina.

Magdeburg er ein lutfalsliga lítil býur, og tað er lætt at koma runt í miðbýnum til gongu.
Almennur flutningur er væl skipaður við sporvognum (Straßenbahn) og bussum.
Til ber at keypa ferðaseðlar til buss og sporvognar í MVB-appini, við FAIRTIQ ella í ferðaseðla-automatunum.
Tað ber til at keypa bæði stakar ferðaseðlar og dagsferðaseðlar.
Minst til at hava galdandi ferðaseðil, tá tú ferðast við almennum flutningi.
Hentar leinkjur:
www.mvbnet.de – almennur flutningur, rutur og ferðaseðlar.
www.fairtiq.com – app til at gjalda fyri ferðir við almennum flutningi

Í Týsklandi verður goldið við evrum (€).
Visa og Mastercard kunnu brúkast nógvastaðni, men summi smærri støð taka framvegis helst bert ímóti reiðum peningi.
Vit mæla til at hava eitt sindur av evrum við.

Januar er ein kaldur mánaður í Magdeburg, og hitastigini lighja ofta um frostmarkið.
Tað kann vera bæði regn, kavi og vindur.
Takið heit klæði, góðar skógvar, húgvu og handskar við

Í miðbýnum eru nógvir handlar, matstovur, kaféir og barrir.
Stóru handilsmiðstøðirnar Allee-Center og City Carré liggja mitt í býnum.
Flestu handlar í Týsklandi eru stongdir sunnudagar, men matstovur og kaféir kunnu hava opið.