Leys størv

Sølu- og ferðaráðgevi

Dámar tær at arbeiða við spennandi, fjølbroyttum uppgávum í einari vinnu, har nógv ferð er á, og hevur tú góð evni at skapa framdrátt, arbeiða sølufremjandi, og vera ein partur av einum heilt ótrúliga góðum toymi? So er tað kanska júst tær, vit leita eftir.

62°N er ein av fremstu ferðavinnu aktørunum í Føroyum, og hevur eitt fjøltáttað virksemi: ferðing út í heim, ferðing til og í Føroyum, samskipan av ráðstevnum, søla og ráðgeving av vinnuferðum, starvsfólkaútferðir o.m.a. Vit merkja stóra framgongd og økt virksemi, og tí søkja vit nú eftir einum dugnaligum sølu- og ferðaráðgeva til okkara søludeild.

Um starvið

Sum sølu- og ferðaráðgevi verður tú ein virkin partur av søludeildini, og eitt bindilið ímillum ímillum kundan, veitarar og samstarvspartnarar.

Uppgávurnar fevna m.a. um

• Ráðgeving um ymisk ferðamál
• Søluarbeiði og uppsøkjandi søluarbeiði
• Hotell- og bilaleigu bíleggingar í samband við ferðing
• Charter bíleggingar
• Avgreiðslu av pakka- og bólkaferðum
• Kundatænastu og samskifti
• At skipa dagligar uppgávur og tryggja eitt høgt tænastustøði
• Nýhugsan og samanseting av nýggjum ferðum
• Fyrifallandi uppgávur í avgreiðsluni

Vit vænta, at tú

• Hevur viðkomandi sølu royndir
• Hevur eitt gott yvirlit og dugir væl at samskipa og raðfesta uppgávur
• Megnar at leggja til rættis og stýra egnum uppgávum og fyrispurningum
• Er tænastusinnað/ur
• Er nýhugsin og dámar at hava ábyrgd
• Er opin, fyrikomandi og dugir væl at samskifta
• Arbeiðir væl undir trýsti, og megnar at hava nógvar bóltar í luftini í senn
• Góðan málkunnleika til føroyskt, norðurlendskt og enskt
• Hevur teldukunnleika á brúkarastøði
• Hevur lokið HH-prógv, Studentsprógv ella líknandi miðnámsútbúgving
• Kunnleika til Amadeus bíleggingarskipanina er ein fyrimunur, men ikki ein treyt

Vit bjóða:

Tú verður ein partur av einum sterkum toymi, har tú fær møguleika at gera mun. Tú kemur at arbeiða í einari spennandi vinnu, har nógv ferð er á og uppgávurnar fjølbroyttar. Tú verður partur av einum sterkum felagsskapi, har trivnaðurin altíð er í hásæti, og dentur verður lagdur á starvsfólkamenning.

Umsókn og freist:

Talan er um eitt fulltíðar starv, við starvsetan skjótast gjørligt. Send okkum tína umsókn og lívrensl (CV) í seinasta lagið 6. februar á teldupost starv@62n.fo. Setanar- og lønarviðurskifti verða ásett eftir nærri avtalu og viðkomandi royndum.

Samband

Ynskir tú at vita meira um starvið, ert tú vælkomin at seta teg í samband við Leivur Samuelsen, stjóra. Tlf. 733 505 ella send ein teldupost á leivur@62n.fo

Lærlingur til søludeildina hjá 62°N

Sum lærlingur hjá 62°N, fært tú møguleikar at læra um ferðavinnuna og sølu og verða ein partur av einum sera sterkum toymi.

62°N er ein av fremstu ferðavinnu aktørunum í Føroyum, og hevur eitt fjøltáttað virksemi: ferðing út í heim, ferðing til og í Føroyum, samskipan av ráðstevnum, søla og ráðgeving av vinnuferðum, starvsfólkaútferðir o.m.a. Vit merkja stóra framgongd og økt virksemi, og tí søkja vit nú eftir einum lærlingi til søludeildina.

Um læruplássið

Sum lærlingur verður tú ein partur av søludeildini, har tú, saman við royndum starvsfeløgum, fær innlit í arbeiðið sum sølu- og ferðaráðgevi

Uppgávurnar fevna m.a. um:

• Ráðgeving og vegleiðing um ymisk ferðamál
• Søluarbeiði og kundasamskifti
• Hotell- og bilaleigu bíleggingar
• Charter bíleggingar
• Avgreiðslu av pakka- og bólkaferðum
• Kundatænastu – bæði á telefon, telduposti og persónliga
• Samanseta og menna nýggjar ferðir/tilboð
• Fyrifallandi uppgávur í avgreiðsluni

Vit vænta at tú:

• Hevur lokið FHS, HH ella líknandi miðnámsútbúgving
• Hevur áhuga fyri ferðing, sølu og kundatænastu
• Er tænastusinnað/ur og fyrikomandi
• Dugir væl at samskifta og arbeiða saman við øðrum
• Er skipað/ur og hevur gott yvirlit
• Megnar at hava nógvar bóltar í luftini í senn
• Góðan málkunnleika til føroyskt, norðurlendskt og enskt
• Hevur teldukunnleika á brúkarastøði

Vit bjóða

Tú verður ein partur av einum sterkum toymi, har dugnligir starvsfelagir læra teg upp innan økið. Tú kemur at arbeiða í einari spennandi vinnu, har nógv ferð er á og uppgávurnar fjølbroyttar.  Vit bjóða eitt sera gott lærupláss, har tú verður partur av einum sterkum felagsskapi, har trivnaðurin altíð er í hásæti.

Umsókn og freist

Talan er um eitt lærupláss, við starvsetan skjótast gjørligt. Send okkum tína umsókn, prógv og lívrensl (CV) í seinasta lagið er 6. februar 2026 á teldupost starv@62n.fo

Lærutíðin er

2 ár við miðnámsútbúgving við búskaparbreyt. 3 ár við FHS.

Løn og læruviðurskifti sambart galdandi sáttmála og viðurskifti, verða ásett eftir nærri avtalu.

Samband

Ynskir tú at vita meira um starvið, ert tú vælkomin at seta teg í samband við Leivur Samuelsen, stjóra. Tlf. 733 505 ella send ein teldupost til leivur@62n.fo